Gatzagetatik ibiltzea seguruagoa eta errazagoa izan dadin (bai zaharberritze- eta ekoizpen-lanetarako, bai harana gune turistiko bihurtzeko) bide eta bidexka nagusiak egokitu behar izan dira: zoladura hobetu da, lurrazaleko ubideentzako pasaguneak ireki dira eta alboko babes-elementuak instalatu dira.

Zaharberritze-lanetarako bide nagusia harana zeharkatzen duten ibaien ibilguak berak dira, gatzaga barrura horien bidez soilik sar baitaitezke zaharberritze-lanetarako materialak garraiatzen dituzten makinak.