Gatz haranera El Torco izeneko gatz-biltegi publiko zaharretik sartzen da. Plan Zuzentzailea burutu bitartean, Arreta- eta Interpretazio-Zentro gisa egokitu zen. Bi solairuko eraikina da, buelta emandako itsasontzi-forma duena; matxinbratu okerrez elkarlotutako egurrezko lamina txiki piloaz osatuta dago, elipsoidearen gainazal makurra eratzea errazteko moduan.

Bertan, bisitariak bisitaldi gidatuaren erreserba egin dezake, taulei eta ikus-entzunezko euskarriei esker gatz haranari buruzko informazioa jaso dezake, munduko gatzen erakusketa txiki bat ikus dezake, gatz haranari loturiko produktuak eros ditzake, edota gatz-ekoizpena modu sakonagoan ezagutu dezake.