Almazen
Ezagutu Gatz Harana eta Michelin Gidan ageri den Beatriz Pascualen Almazen jatetxea uztartzen dituen esperientzia paregabea. Tokiko produktuetan eta Añanako Gatzan ardatz duen, denboraldiko eta formatu intimoko proposamena da, Gatz Haranera bisita gidatua eta bi pertsonentzako dastatze-menua uztartzen dituena. Bi modalitatetan dago eskuragarri: ardo-laguntzarekin edo ardo-laguntzarik gabe.
Almazen: lurraldetik sortzen den sukaldaritza
Añanako Gatz Haranaren milaka urteko paisaiaren aurrean, zaharberritutako gatz-biltegi zahar batean, Beatriz Pascual sukaldariak espazio gastronomiko intimo eta berezi bat sortu du. Bertan, tradizioa, produktua eta sormena hamabost lagunentzako barra baten inguruan elkartzen dira. Michelin Gidan ageri den Almazenek zuzeneko sukaldaritza-esperientzia eskaintzen du, bisitariari osagai bakoitzaren jatorria eta eralda|keta gertutik ezagutzeko aukera emanez.
Bere filosofiaren oinarria sukaldaritza xume eta zintzoa da, produktua, urtaroen erritmoa eta hori posible egiten duten pertsonak errespetatzean oinarritua. Ez dago karta finkorik: menu bakoitza merkatuaren eta une bakoitzean eskuragarri dauden produktuen arabera osatzen da, nekazariekin, abeltzainekin eta tokiko ekoizleekin lotura zuzena ezarriz.
Añanako Gatza da proposamen honen arima. Osagai bat baino gehiago, lurralde baten nortasuna ordezkatzen du, eta goi-mailako sukaldaritzak gehien estimatzen duen gatzenetako baten ekoizpen artisauaren historia eta berezitasunak ezagutzeko aukera ematen duen esperientzia gastronomiko baten hari gidari bihurtzen da. Esperientzia hori Añanako Gatz Haranera egindako bisita gidatuarekin hasten da, non 7.500 urte baino gehiagoko historia eta gatzaren ekoizpen-prozesu berezia ezagutuko dituzun.
Bisitaren ondoren, esperientziak Almazenen jarraitzen du, eta bertan bi modalitateren artean aukeratu ahal izango duzu:
Gatz Harana + Almazen esperientzia
Bi pertsonentzako dastatze-menua.
Gatza bere sorlekuan ezagutzeko eta paisaia, memoria eta produktua esperientzia paregabe bihurtzen dituen sukaldaritzaren bidez bizitzeko proposamena.
