Aitor Arregi
Aitor Arregi sukaldaria Añanako Gatzaren nazioarteko enbaxadore bihurtu zen 2025ean.
Aitor Arregi
Herrerieta Kalea 2 – 20808 Getaria Gipuzkoa
+34 943 14 00 24 / +34 649 335 274
Añanako Gatz Haranak aurtengo unerik zirraragarrienetako bat bizi izan du Aitor Arregi, Elkano jatetxeko arima, Añanako Gatzaren Enbaxadore berria izendatzearekin.
Getariako Elkano jatetxe mitikoaren buru da Aitor Arregi, eta familiaren ondarea eta parrilla sukaldaritza unibertsalaren adierazpen bihurtzen jakin du. Bere jatetxeak Michelin izar bat du eta The World’s 50 Best Restaurants 2025 zerrendako 24. postuan dago. Elkanoren proposamena produktuarekiko eta inguruarekiko errespetuan oinarritzen da, arrantzale, artisau eta bertako ekoizleekiko lotura zuzenean. Txingarra, itsasoa eta lurraldearen ezagutza sakona dira bere hizkera.
Ekitaldia gure gatzagetan egin zen, eta Ramiro González Arabako Ahaldun Nagusi eta Gatz Harana Fundazioko lehendakariak parte hartu zuen. Euskal gastronomiaren erreferente handienetako bati eman zion saria. Keinu horren bidez, Gatz Haranaren konpromisoa indartzen da, sukaldaritza lurraldea, historia eta nortasuna zaintzeko modutzat ulertzen dutenekin.
Bere mintzaldian, Arregik Añanarekin duen loturaren sakontasuna islatzen duten hitz batzuk esan zituen:
“Añanako gatza ez da osagai bat bakarrik. Kontakizun bat da, ezkata bakoitzean kristalizatzen den memoria likidoa.”
Gatzgileekin hitz egin eta haien lana gertutik ezagutu ondoren, pertsonak tokiarekin lotzen dituen hausnarketa partekatu zuen:
“Gatzgileen eta bertakoen partetik bere lana maitatzeak egiten du hain garrantzitsua den ongailu hori –gatza–”
“Denak agurtzen dira beren izenez. Pertenentzia sentsazio bat dago, zauden espazioa maite dela.”
Eta aitortzatik harago doan desio bat adierazi zuen:
“Nahiago nuke Añana beste lurraldeetarako erreferentzia bat izango balitz.”
Gatzaren Enbaxadoreen familian sartuta, bi paisaia kultural paregaberen arteko loturak estutzen dira: Getariako itsasoa eta Añanako lur gazia. Jatorriarekiko errespetuak, lanbide tradizionalen balioak eta bikaintasunaren etengabeko bilaketak lotzen dituzte bi mundu horiek.
